Бројот на загинати од разорниот земјотрес во Турција од минатиот месец се искачи на 48.448, а напорите за опоравување од катастрофи сè уште се во тек.
Според министерот за внатрешни работи Сулејман Сојлу, властите брзаат да изградат контејнерски градови за да ги сместат оние кои долго време останаа без покрив над главата, јавуваат денеска локалните медиуми.
Вкупниот број на загинати, вклучувајќи ги и жртвите од земјотресот во Сирија, се искачи на повеќе од 54.000, јавува Ројтерс. Говорејќи на прес-конференција во Малатија, една од најтешко погодените провинции од земјотресите, Сојлу рече дека бројот на загинати во Турција вклучува 6.660 странски државјани, главно Сиријци, и дека властите сè уште се обидуваат да идентификуваат 1.615 од загинатите.
Повеќе од 115.000 луѓе беа повредени во серијата земјотреси во Турција, а милиони беа принудени да се засолнат во шатори или да се преселат во други градови. Претседателот на Турција, Реџеп Таип Ердоган вети дека за една година властите ќе обезбедат станови за сите ранливи луѓе.