Ракета испукана од јужен Либан падна денеска во северниот дел од Израел без да причини жртви или штети. Израелското воено радио соопшти дека две ракети од типот Катјуша паднале во сектор северно од градот Кирјат Шмона.
Едната паднала врз улица на која немало автомобили во време на нападот. Според армиски претставници цитирани од медиумот, тие напади не изгледаат дека се извршени од Хезболах која го контролира јужен Либан.
– Најверојатно станува збор за мала палестинска организација која сака да изрази солидарност со палестинското движење Хамас, наведува радиото.