Претседателот на Бугарија Румен Радев ја повика новата влада да се грижи за бугарската армија и да не дава воена помош за Украина.
„Сметам дека е несоодветно политичарите кои имаат макар и мала поддршка од гласачите да преземаат сериозни обврски во име на Бугарија во однос на воената помош. Главна обврска на Владата е да им гарантира безбедност и мир на бугарските граѓани“, посочи Радев пред новинарите.
Ја повикувам новата влада и Министерството за одбрана повеќе да се грижат за бугарските, а не за странските војски, рече претседателот на Бугарија.