Раб: Верувам дека Џонсон ќе се извлече, бидејќи е борец

Од:

Шефот на британската дипломатија Доминик Раб денеска изјави дека е уверен дека британскиот премиер Борис Џонсон „ќе се извлече, бидејќи е борец“.

Џонсон синоќа беше префрлен на одделот за интензивна нега во болницата „Сент Томас“ во Лондон, откако неговата здравствена состојба попладнето се влоши поради коорнавирусот. Денеска тој примил кислород, но не бил приклучен на респиратор, јавија претпладнето британските медиуми.

-Уверен сум дека ќе се извлече, бидејќи ако постои една работа што ја знам за овој премиер, тоа е дека е борец, рече Раб на прес конференција, додавајќи дека заболувањето на премиерот било шок за целата влада., пренесе „Гардијан“ .

Раб пренесе и дека Џонсон му побарал да го замени на премирската функција се додека тоа биде неопходно, додаваат британските медиуми.

-Имам целосна доверба во ангажманите кои премиерот ги воспостави така што можам да ја преземам неговата одговорност, да го заменам се додека тој не е во можност да работи, и очигледно, се надеваме дека така ќе биде во многу ограничен временски период, рече Раб.

Раб наведе дека одлуките во владата ги носат министрите колективно, кои , како што кажа, „од Џонсон добија јасни упатства, многу јасни инструкции“ и сега се фокусирани на нивната примена.

Би можело да ве интересира

Грција: Петти ден по ред повеќе од 150 новозаразени

А1он

195 нови случаи на Ковид-19 во Бугарија во изминатото деноноќие

А1он

Во Албанија 124 новозаразени, четворица починати од Ковид-19 во изминатиот ден

А1он

Карантинот предизвикал смрт на илјадници луѓе во Британија, според владин документ

А1он

Германија воведува задолжително тестирање за коронавирус за патниците кои се враќаат од ризични земји

Ландов

Рекорден број заболени во Јапонија за еден ден

Ландов