Рускиот претседател, Владимир Путин изјави денеска дека се надева оти на Западот ќе преовладее здравиот разум во врска со можноста за воведување дополнителни санкции против Русија.
– Се надевам дека ќе преовладее здравиот разум и дека ќе работиме на нормален, модерен начин и дека и ниту ние, ниту нашите партнери нема да ги сносиме трошоците на меѓусебните несогласувања, рече рускиот претседател.
Лидерите на Европската унија побараа во саботата од своите служби итно да ги подготват можните нови санкции кон Русија, поради нејзината вмешаност во судирите во Украина.
Лидерите од ЕУ побараа од Европската комисија и дипломатските служби на Унијата да работат заедно за „итно да се преземат подготвителни активности“ за новите санкции, по обвинението дека Русија испратила свои војници на територијата на Украина.