Рускиот претседател Владимир Путин денес изјави дека руската интерконтинентална балистичка ракета „Сармат“ е најмоќниот ракетен систем во светот, додека командантот на руските стратешки ракетни сили Сергеј Каракаев изјави дека „Сармат“ ќе биде оперативен до крајот на годината.
Путин рече дека „Сармат“ може да се движи не само по балистичка, туку и по суборбитална траекторија, и дека неговиот дострел на лет надминува 35.000 километри, пренесува РИА Новости.
Тој истакна дека Русија ги подобрува своите нуклеарни сили за одвраќање од почетокот на 2000-тите, кога САД се повлекоа од Договорот за антибалистички ракети.