Кремљ: Веќе се подготвува завршна изјава по средбата меѓу Трамп, Путин и Си

Од:

Кремљ очекува утрешната средба меѓу Доналд Трамп, Владимир Путин и Си Џинпинг да се фокусира на понатамошниот развој на односите меѓу главните светски сили. Јуриј Ушаков, советник за надворешна политика во Кремљ, изјави дека тројцата лидери ќе разговараат за тоа „како соработката меѓу овие големи сили може да придонесе за подобрување на севкупната глобална ситуација“.

„Малку е веројатно дека лидерите ќе избегнат разговор за Украина“, рече Ушаков, додавајќи дека на дневен ред ќе бидат и долготрајните, нерешени конфликти, пренесува руската државна новинска агенција ТАСС.

Ушаков напомена дека не знае на кој начин, или во каква форма, би можело да се разговара за реструктуирање на европскиот безбедносен систем. Русија долго време бара такви промени како еден од условите за завршување на војната во Украина. Тој додаде дека веќе се во тек интензивни подготовки за завршна изјава, која се очекува да биде објавена по средбата на тројцата лидери, пренесува „Скај њуз“.

Би можело да ве интересира

Си и Путин разговараа за утрешната средба со Трамп

Горан Наумовски

Си, Трамп и Путин фотографирани заедно на прием во Шенжен, во пресрет на трилатерален самит

(ВИДЕО) Кремљ ги отфрли споредбите со Јалта: Средбата на Путин, Трамп и Си Џинпинг не е поделба на светот

Кремљ им порача на пратениците да бидат подготвени за прекин на огнот и победа

Путин: Поранешните колонијални сили сакаат да ја задржат контролата врз другите земји

Трамп: Путин стана попопустлив во однос на Украина