Украина очекува дека претседателите на САД и Кина, Доналд Трамп и Си Џинпинг, ќе го искористат своето влијание врз Москва за време на нивните разговори со рускиот претседател Владимир Путин во Шенжен за да го зголемат притисокот врз Русија и да придонесат за крајот на војната, изјави денеска украинскиот министер за надворешни работи Андриј Сибиха.
– И Соединетите Американски Држави и Кина имаат одлучувачко влијание врз Русија, особено во контекст на ставање крај на агресијата и војната. Се надеваме и очекуваме дека токму таков тон ќе биде присутен во разговорите – притисок врз Русија да стави крај на војната, рече Сибиха на заедничката прес-конференција во Киев со португалскиот државен секретар за надворешни работи Пол Рангел, пренесува Укринформ.
Тој изјави дека Украина во неколку наврати ги запознала своите меѓународни партнери со своите ставови за завршување на војната, безбедносните гаранции и повоениот безбедносен поредок.
