Путин: Русија и Кина се против политизација на спортот пред ЗОИ

Од:

Русија и Кина се против политизација на спортот и демонстративни бојкоти во пресрет на Зимските олимписки игри (ЗОИ) во Пекинг, изјави денеска рускиот претседател Владимир Путин, обраќајќи им се на спортистите од неговата земја.

dobivaj vesti na viber

САД се во групата на неколку земји кои поради загриженост за ситуацијата со човековите права во Кина се одлучиле за т.н. дипломатски бојкот и нема да испраќаат политичари или други официјални државни претставници на ЗОИ следниот месец

Од друга страна, Путин најави дека планира да присуствува на Зимските олимписки игри и да се сретне со кинескиот лидер Си Џинпинг.

– Сметам дека основна цел на спортските натпревари е масовно популаризирање на спортот и зајакнување на пријателството меѓу народите. Овие пристапи ги споделуваат и организаторите на претстојните ЗОИ, нашите кинески пријатели. Заедно се бориме против политизирање на спортот и демонстративните бојкоти. Ние ги поддржуваме традиционалните олимписки вредности, пред сè, еднаквоста и правичноста, истакна Путин.

Наместо вообичаената церемонија во Москва пред заминувањето на руските тимови на Олимписки игри, Путин преку видео-линк им се обрати на спортистите собрани во тренинг центрите низ земјата.

– Ве замолувам вас и сите ваши соиграчи ригорозно да ги почитувате сите барања на организацискиот одбор на Зимските олимписки игри и строго да се придржувате до сите медицински упатства, изјави шефот на руската држава.

Извор: МИА

Би можело да ве интересира

Американската министерка за финансии ги повика европските сојузници да заземат заеднички став за Кина

Рускиот Врховен суд ќе одлучи дали Азовскиот полк е терористичка организација

Русија го напушта Советот на државите од Балтичкото Море

Русија планира да ги напушти Светската здравствена и Светската трговска организација

Кремљ го обвинува Западот дека води дипломатска, економска и политичка војна против Русија

Рено продаде удел во рускиот АвтоВАЗ за една рубља

Ана Ололовска