Владимир Путин изјави дека имало договор според кој украинските борци од единицата „Азов“ требало да останат во Турција.
Претседателот на Русија изјави дека борците не треба да се враќаат во Украина, нагласувајќи дека не сака повеќе да го коментира тоа прашање.
Путин разговараше на прес-конференција во Санкт Петербург со лидерите на африканските земји кои учествуваат на Самитот Русија-Африка, пренесе Ројтерс.
Пет команданти на „Азов“ се вратија во Украина од Турција претходно овој месец по посетата на украинскиот претседател Володимир Зеленски на Анкара.
Москва тогаш објави дека тоа е прекршување на договорот за размена на воени заробеници.
На крајот на септември минатата година Украина објави размена на 215 војници со Русија, меѓу кои и команданти на одбраната од фабриката за челик Азовстал.
Петмина воени команданти беа префрлени во Турција, каде што требаше да останат до крајот на војната, според договорот со турскиот претседател Реџеп Таип Ердоган.