Прва средба на Јункер со премиерот Борис Џонсон

Од:

Претседателот на Европската Комисија во заминување, Жан Клод Јункер, ќе се сретне со Борис Џонсон за првпат во својство на премиер. Средбата ќе се одржи во Луксембург.

Џонсон и Јункер ќе имаат работен ручек, информираат прес службите на двете страни, но не откриваат за што ќе се разговара.

Обединетото Кралство треба да ја напушти Европската Унија на 31 октомври, но ЕУ бара тоа да се случи со претходен договор. И покрај обидите на Борис Џонсон, британскиот парламент изгласа забрана за Брегзит без договор.

Останува, сепак, фактот дека британската Влада се противи на механизмот на заштита предвиден за ирската граница, попознат како “бекстоп“. Според ирските медиуми, се очекува Џонсон да му порача на Јункер дека сака претходен договор за Брегзит, но дека не може да се согласи за бекстопот за Ирска.

Во неговите последни јавни настапи, британскиот премиер се покажа оптимист дека е можен договор со Брисел за Брегзит до самитот на ЕУ кон средината на октомври, а многумина шпекулираат дека денешната средба со Јункер е знак дека двете страни се блиску до договор околу ирската граница, што е главната пречка меѓу двете страни.

Би можело да ве интересира

ВИДЕО: Слетување на Ербас при силна бура

Ана Ололовска

Во три округа од Англија издадени серија предупредувања за голема опасност од поплави

Ана Ололовска

Британија се подготвува за евентуална епидемија од новиот коронавирус

Ана Ололовска

Британија инвестира 1,6 милијарди долари во суперкомпјутер за климатски прогнози

Ана Ололовска

ВИДЕО: Бурата Денис ја погоди Британија, јужен Велс поплавен

Драган Поповски

Бурата Кјара ќе го чини британското осигурување 241 милиони евра

Предраг Петровиќ