Во Пекинг со воена парада се одбележува 70-годишнината од основањето на Народна Република Кина, во време кога земјата се соочува со голем број предизвици, како што се тековните антивладини протести во Хонг Конг и економската војна со САД.
Воена парада во која учествуваат повеќе од десетици илјади војници ја следеше претседателот Си Џинпинг, облечен во сива униформа слична на онаа што ја носеа кинеските лидери во времето на формирање на Републиката.
– Ниту една сила не може да ја разниша Кина ниту да го спречи кинескиот народ и нација да напредуваат, рече Си на Плоштадот на небесниот мир, каде Мао Це Тунг на денешен ден прогласи основање на Народна Република Кина во 1949 година.
Си потенцираше дека Кина и натаму ќе ја следи корисната стратегија на отворање, дополнувајќи дека војската одлучно ќе го штити кинескиот суверенитет, безбедност и развој, притоа силно поддржувајќи го мирот во светот.
Тој посочи дека Кина мора да одржи траен просперитет и стабилност во Хонг Конг и Макао, како и да промовира мирољубив однос со Тајван, но и „продолжување на стремежот за целосно обединување на татковината“.
China unveiled DF-41 intercontinental strategic nuclear missiles, the country's most advanced and powerful deterrent, in a National Day military parade in central Beijing Tuesday. #PRC70thAnniv pic.twitter.com/BDcBN3ED9I
— People's Daily, China (@PDChina) October 1, 2019
По говорот, Си со автомобил ја поздрави колоната кинеска војска, долга повеќе километри.
In video: President Xi Jinping reviewed armed forces on National Day #PRC70thAnniv pic.twitter.com/z91qPGqAyh
— People's Daily, China (@PDChina) October 1, 2019
Според вчерашната најава на портпаролот на Министерството за одбрана Цај Џу Јун во парадата се вклучени 15.000 војници, повеќе од 160 авиони и 580 парчиња воена опрема.
#PRC70thAnniv celebration activities at Tian'anmen Square in Beijing ended on Tue with a mass pageantry highlighting the Chinese nation's great rejuvenation with 18 formations pic.twitter.com/ulFgnzM0zu
— People's Daily, China (@PDChina) October 1, 2019
Меѓу прикажаното оружје беше презентирана и суперсонична балистичка нуклеарна ракета, за која се верува дека може да го пробие американскиот противракетен штит. Според Центарот за стратешки и меѓународни студии во Вашингтон кинеската ракета „Донфенг 41“ веројатно има најголем дострел во светот, кој изнесува околу 15 илјади километри.
Аналитичарите велат дека ДФ-41, кои летаат 25 пати побрзо од звукот, веројатно можат да дојдат до САД за 30 минути, носејќи до 10 боеви глави за одделни цели, што е технологија која се користи за независно таргетирање на повеќе мети истовремено.
На парадата не беа поканети странски државници, но на бината беа присутни амбасадорите на служба во Пекинг.
Предвидена е и парада на граѓани, студенти и етнички малцинства, кои ќе ги прослават кинеските достигнувања.
Најавено е дека ќе бидат пуштени 70.000 гулаби, кои го симболизираат мирот, а вечерва во Пекинг ќе има спектакуларен огномет.