Американскиот државен секретар Џон Кери и шефот на иранската дипломатија Мохамед Џавад Зариф синоќа во Виена ја имаа третата рунда преговори за надминување на 12-годишното несогласување за иранската нуклеарна програма.
Според неименувани извори се подготвуваат предлози, кои треба да бидат презентирани пред официјалните лица на двете земји.
– Разговорите продолжуваат, изјави неименуван американски дипломат, без да наведе детали.
Пред средбата Кери планираше да отпатува за Париз, но остана во Виена и третпат се сретна со Зариф.
Претходно, двете страни сооопштија дека постои големо меѓусебно несогласување. Зариф набеде дека „шесторката“ меѓународни посредници на преговорите во Виена не понудила „суштински предлози“.
Додека Белата куќа соопшти дека и понатаму постои длабок јаз меѓу страните во преговорите за иранската нуклеарна програма иако крајниот рок за постигнување на договор истекува в понеделник.