Едно лице е приведено во Германија под сомнение за можен заговор за напад на култната катедрала во Келн на новогодишната ноќ, јави германската полиција. Во неделата пак, беа приведени пет мажи додека претресувале стан во градот Везел, на околу 100 километри северно од Келн.
Четворица од нив подоцна беа ослободени, но 30-годишен таџикистанец остана во притвор со цел „да се избегне опасност“.
Окружниот суд ја потврди мерката притвор до 7 јануари на барање на полицијата во Келн поради добиени информации кои се релевантни за државната безбедност.
„Ги исцрпуваме сите законски можности да ги заштитиме луѓето, катедралата и претстојните новогодишни прослави“, рече началникот на полицијата во Келн, Мајкл Есер.
Полицијата соопшти дека нема да даде никакви информации за човекот, ниту за неговата поврзаност со заканата од катедралата поради нивните тековни истраги.
Во саботата пак, беа зголемени безбедносните мерки во катедралата во Келн поради индиции за можен напад планиран од исламистичка група на 31 декември. Додека верските служби продолжуваат да се одржуваат, катедралата е затворена за туристи до натамошно известување.
Катедралата во Келн, голема туристичка привлечност која се наоѓа веднаш до централната железничка станица во градот, обично ја посетуваат повеќе од 100.000 луѓе помеѓу Божиќ и Нова Година.