Дваесет и двајца Палестинци загинаа денеска при израелски воздушни напади во Појасот Газа.
Со ова бројот на убиените од вторникот достигнал 127 лица.
Најсмртоносниот напад бил извршен во квартот Шеик Радван, во западниот дел на градот Газа, каде шестмина Палестинци загинале пред нивните домови.
Други тројца Палестинци се убиени при напад во северниот дел на Појасот Газа.
Египетскиот претседател Абдел Фатах ал Сиси денеска предупреди дека ескалирањето на конфликтот меѓу Израел и Хамас во Газа би можело да однесе уште „невини животи“.
Оваа изјава Сиси ја даде денеска по неговата средба во Каиро со специјалниот пратеник на Четворката за мир на Блискиот исток (ОН, САД, ЕУ и Русија), поранешниот британски премиер Тони Блер.