САД: Револтирани сме од израелскиот напад во кој беа убиени хуманитарни работници

Од:

Белата куќа соопшти дека е огорчена од израелскиот воздушен напад врз Газа во кој загинаа седум лица кои работеа за World Central Kitchen (WCK), и дека американскиот претседател Џо Бајден му се јави на основачот на добротворната организација за да му изрази сочувство.

„Бевме огорчени кога дознавме за нападот на ИД во кој вчера загинаа голем број цивилни хуманитарни работници“, изјави портпаролот на Белата куќа, Џон Кирби.

Запрашан дали САД ќе го осудат израелскиот воздушен напад, Кирби рече за употребата на зборот „огорчен“: „Мислам дека во голема мера можете да го окарактеризирате како осуда на самиот напад“, рече тој.

„Бајден му рече на основачот на организацијата, Хозе Андрес, дека јасно ќе му стави до знаење на Израел дека хуманитарните работници мора да бидат заштитени“, рече портпаролката на Белата куќа, Карин Жан-Пјер.

Во нападот на конвојот WCK загинаа државјани на Австралија, Велика Британија и Полска, како и Палестинци и двоен државјанин на САД и Канада.

Израелскиот премиер Бенјамин Нетанјаху претходно изјави дека нападот е трагичен и ненамерен, а израелската војска вети независна истрага.

Би можело да ве интересира

Америка го ограничи движењето на својот дипломатски персонал во Израел

Стејт департментот потврди дека ќе стави вето на приемот на Палестина во ОН во Советот за безбедност

Горан Наумовски

Белата куќа се противи на палестинската државност

Џонсон: Путин ќе продолжи да маршира низ Европа, Балканот може да биде следен

Горан Наумовски

(ВИДЕО) Едно лице загина откако цистерна со нафта експлодира на автопат во Алабама

САД одделно ќе гласа за помош на Украина и Израел, републиканците на Трамп се закануваат