Во престрелка во францускиот град Марсеј две лица загинаа, а тројца се повредени.
Престрелката се случила синоќа нешто пред 23 часот на паркинг на Мекдоналдс, јави БФМ Марсеј Прованс.
Веднаш била повикана полиција која на лице место открила возило во кое имало пет лица.
Возачот на возраст од 23 години бил пронајден мртов, како и еден од патниците. Во истото возило биле пронајдени уште три лица, кои биле повредени.
Еден од лицата бил погоден со куршум во градите и неговиот живот е во опасност.
Другите две лица се жена повредена во раката и маж повреден од фрагменти од куршум.
На местото на настанот се пронајдени 24 чаури калашников калибар 7,62.
Во близина е откриено запалено возило, несомнено кое го користел напаѓачот.