Новиот круг преговори меѓу Иран и „шесторката“ (петте постојани членки на СБ на ОН и Германија) за нуклеарната програма на Техеран заврши синоќа во Женева без да се постигне напредок, јави ТАСС.
Учесниците се договорија да ги продолжат консултациите во февруари, но засега нема точно определено место и време.
– Се уште е рано да се зборува дали има напредок, но можам да кажам дека се одржаа корисни средби во мултилатерален и билатерален формат, вклучително и со делегациите на Русија, Кина и САД, изјави иранскиот заменик-министер за надворешни работи Абас Арагчи по крајот на преговорите, кои траеја цел ден.