За помалку од 48 часа, познатиот водител на телевизијата Фокс њуз, Такер Карлсон ги загуби сите поголеми реклами по изнесување на неговите ставови против „анти-расистичките“ протести.
Дизни, „T-Mobile“, „SmileDirectClub“, „Papa John’s“, „Jackson Hewitt Tax Service“ и „Vari“ едногласно рекоа дека нема повеќе да се рекламираат во емисијата на телевизиското лице, Такер Карлсон.
Водителот кој рече дека белата супремација во Америка е „измама“ и ги нарече актуелните протести „античка битка меѓу насилници и нормални луѓе“ , во понеделникот изјави дека движењето „Животот на Афроамериканците има значење“, дефинитивно не се работи за нивните животи.
Експертите го толкуваат неговото обраќање како порака до лидерите на Демократската партија на САД и до локалните власти кои „допуштиле такво поведение од демонстрантите“, а не како говор на омраза и расизам.
Карлсон, следната емисија ја посвети да го искаже својот револт кон она што се случувало на улицата „Сезам“, истакнувајќи дека е погрешно да се учи дека афроамериканското население во САД се третира различно, бидејќи како што смета тој, идните генерации тоа може да го сфатат дека Америка е лошо место за живот.
Првата компанија која ја напушти емисијата на Карлсон беше „T-Mobile“, а одлуката дојде по реакција од „Твитер“ корисник кој го запраша извршниот директор на глобалната телефонска компанија дали компанијата го подржува ставот на водителот.
It definitely is not. Bye-bye Tucker Carlson! #BlackLivesMatter
— Mike Sievert (@MikeSievert) June 10, 2020
Извршниот директор на телефонскиот гигант, Мајк Сиверт, одговори кратко: „Дефинитивно не, збогум Такер Карлсон!“, директорот на компанијата ја заврши пораката со хаштгот кој демонстрантите го користат- #BlackLivesMatter.