Повеќето Британци сакаат да се вратат во ЕУ

Од:

Помалку од тројца од десет Британци мислат дека Брегзит е добра работа и повеќето сакаат земјата да се врати во Европската Унија, покажа новото истражување на јавното мислење, пет години откако Обединетото Кралство официјално ја напушти ЕУ.

На референдумот во 2016 година, 52 отсто од Британците гласаа за Брегзит. По долгогодишни тешки преговори, Обединетото Кралство стана првата земја што ја напушти Европската Унија на 31 јануари 2020 година.

Но, пет години подоцна, само 30 отсто од Британците веруваат дека земјата ја направила вистинската работа со гласањето за Брегзит, се вели во анкетата на Институтот YouGov, чии резултати беа објавени во средата. Анкетата е спроведена на 2.225 испитаници.

Според институтот, ова е најниската поддршка за Брегзит досега.

Меѓу Британците кои гласаа за Брегзит, 18 отсто сметаат дека напуштањето на Европската унија е грешка. Сепак, тој процент се искачува на 55 отсто од сите испитаници. Само 11 отсто од испитаниците веруваат дека Брегзит бил успешен.

Мнозинството Британци, 55 отсто, го поддржуваат враќањето на земјата во Европската унија, вклучително и 20 отсто од гласачите кои гласаа за Брегзит.

Меѓу нив, 39 отсто од испитаниците „силно“ го поддржуваат враќањето во ЕУ.

Британскиот лабуристички премиер Кир Стармер вети дека ќе ги „рестартира“ односите со Европската Унија. Сепак, тој се противи на враќање на полноправно членство во ЕУ.

Би можело да ве интересира

„Гардијан“: Орбан се соочува со голем проблем, ЕУ планира да го замолчи

Започнуваат најважните мировни преговори меѓу Европа и САД

ЕУ ја зголемува финансиската поддршка за палестинската управа

Шмихал: ЕУ и предаде на Украина една милијарда евра замрзнат руски имот

ЕУ издвојува уште една милијарда евра за Украина во рамките на заемот од Г7

Урсула фон дер Лајен: ЕУ е подготвена да се брани од американските царини со контрамерки