Повеќето Австријци се против приемот на нови членки во Европската унија, а единствена земја, која би ја поддржале е Исланд, покажува истражувањетo на јавното мислење, кое го спроведе Друштвото за европска политика (ОеГфЕ).
Повеќето Австријци се против приемот на Турција во ЕУ, но и против влезот на земјите од Западен Балкан.
Според истражувањето, 57 отсто од Австријците би го поддржале приемот на Исланд во ЕУ, а 24 отсто се изјасниле против.
Само осум отсто од анкетираните го поддржуваат влезот на Турција, а 84 проценти се против членството на оваа земја во Унијата.
Приемот на Македонија го поддржуваат 26 отсто од Австријците, а 55 се изјасниле против.
Влезот на Србија го поддржуваат 27 проценти, а против се изјасниле 55 отсто.
Дваесет и седум отсто од анкетираните го поддржале влезот на Босна и Херцеговина, а 55 отсто се против.
Приемот на Албанија го поддржале 21 отсто, а против биле 61 процент,
Во однос на Косово 20 отсто од Австријците го поддржале членството во ЕУ, додека 63 отсто се изјасниле против.
– Ставот е дека ЕУ најпрво треба да се консолидира пред понатаму да се проширува, изјави Пол Смит, генерален секретар на ОеГфЕ.