Повеќе од 1,4 милиони муслимани заминаа на аџилак во Саудиска Арабија

Од:

Повеќе од 1,4 милиони муслимани досега пристигнаа во Саудиска Арабија на аџилак, што е за 33 отсто повеќе од истиот период минатата година. Меѓу нив се и 400 верници од Катар.

Катар и Саудиска Арабија се во конфликт од 5 јуни, кога Ријад и негови сојузници како Бахреин, Египет и Соединетите Арапски Емирати ги прекинаа сите врски со Доха.

Четирите земји го обвинуваат Катар за поддршка на екстремистички организации и приближување Иран.

Сепак, минатата недела Ријад соопшти дека повторно ја отворил копнената граница со Катар, за да им овозможи на верниците да пристигнат во Мека на аџилак.

Во 2016 година 1,8 милиони верници учествуваа на аџилак.

Околу 60.000 Иранци не можеа да учествуваат бидејќи Техеран и Ријад не успеаа да ги решат безбедносните и логистичките прашања.

Во март оваа година, Саудиска Арабија соопшти дека тие ќе можат да учествуваат на овогодинешниот аџилак.

Односите меѓу Иран и Саудиска Арабија со години се затегнати поради нивните несогласувањата околу голем број регионални прашања, вклучувајќи ја и војната во Сирија.

Се проценува дека над два милиони луѓе ќе учествуваат на овогодинешниот аџилак.

Поклонувањето во Мека е еден од петте столбови на исламот и секој верник треба да го изврши барем еднаш во животот, ако располага со средства за тоа.

Овогодинешниот аџилак започнува следната недела.

Би можело да ве интересира

Политички скандал: Откажан мечот меѓу Фенербахче и Галатасарај во Саудиска Арабија

Економијата на Саудиска Арабија поминува низ турбуленции поради намаленото производството на нафта

Предраг Петровиќ

Фудбалерите разочарани од Саудиска Арабија-зедоа стотици милиони, но немаат публика

Махрез заврши во болница

Познато колку пари потрошиле Саудијците за засилување на нивната лига

Предраг Петровиќ

Саудијците ослободија Американец кој беше осуден на 19 години затвор поради твитови