На опасност од дезинтеграција на Европската унија предупредија денеска во Виена поранешниот претседател на Полска, Александар Квашњевски, поранешниот претседател на Европската комисија, Романо Проди и поранешниот европски комесар, Франц Фишлер.
– Последиците од дезинтеграцијата се стравични. Тоа во развојот би не вратило најмалку 40 години наназад, нагласи Фишлер.
Тој рече дека очигледно е дека новиот претседател на САД Доналд Трамп ќе ја оствари својата најава за „помалку меѓународност“ во политиката и трговијата, укажувајќи на Брегзит.
Тој вели дека во интерес на Европа е единство и заедништво.
Проди и Квашњевски се изјаснија за Европа како сојузна држава, одбивајќи ги интенции на популистите и десничарите да направат „Европа на нациопнални држави“.
– Ако во светот сакаме глас тогаш мора да станеме сојузна држава, истакна Проди и додаде дека во спротивно, Европа би била небитна во светот и се повеќе периферна.