Поморската канцеларија на полскиот град Гдањск денеска потврди дека вчера бил задржан рускиот брод „Руслана“. Бродот се движел кон плажата на островот Собјешево, надвор од навигациската рута и за малку ќе се насукал, јавуваат локалните медиуми.
Во последен момент била избегната несреќа, откако бродот на еден километар од брегот и на само неколку метри од плитката вода наеднаш завртел и се вкотвил во пристаништето во Гдањск. Засега не е јасно дали екипажот конечно изреагирал на предупедувањата на полските крајбрежни власти.
Проверката од полските власти утврдила дека членовите на екипажот, меѓу кои и капетанот, биле пијани.
Бродот е засега во Гдањск каде му се прават мали поправки. Русија не го коментираше индицентот.