Полска сака да игра активна улога во решавањето на миграциската криза во Европа, но не ги прифаќа квотите, изјави денеска полската премиерката Беата Шидло во Берлин.
– За Полска, перманентните квоти за мигрантите не се прифатливи и ние сакаме да разговараме во врска со тоа. Полска сака да биде активна членка на ЕУ во решавањето на овој проблем, нагласи Шидло на заедничката прес-конференција со германската канцеларка Ангела Меркел.
– Предложив да започнеме заеднички хуманитарен проект и германската канцеларката го прифати предлогот, додаде Шидло, пренесува Танјуг.
Што се однесува на Велика Британија, Меркел рече дека Полска и Германија сакаат земјата да остане членка на ЕУ и дека ќе направат се за да се постигне компромис со премиерот Дејвид Камерон.
– Се сложуваме дека сакаме да направиме се да и овозможиме на Британија да остане во ЕУ, изјави Меркел.