Европа сака Советот за безбедност на Обединетите нации да работи во паралелна реалност, во која Украина нема да губи град по град на бојното поле, изјави Дмитриј Пољански, првиот заменик-постојан претставник на Русија во ОН, на седница на Генералното собрание на ОН.
„Европските спонзори на режимот на Зеленски сакаат Советот за безбедност на ОН, како и тие, да живее во некоја паралелна реалност во која Украина нема да губи град по град на бојното поле, а украинските граѓани да се редат да умрат во бесмислена мелница за месо за западните геополитички интереси“, рече Пољански за време на своето обраќање, пренесува РИА.
Тој оцени дека Брисел несвесно ги врти тркалата на војната и ја прикажува Русија како непријател кој наводно ќе ги нападне. „Наместо да ги здружат напорите насочени кон воспоставување мир, Брисел и сојузничките престолнини продолжуваат, по инерција и несвесно, да го менуваат текот на војната, пренесува Танјуг.
– Тие ја прикажуваат Русија како непријател кој неизбежно ќе ги нападне, рече Пољански.