Постар Полјак кој останал без право за социјална помош најверојатно се одмаздил вчера така што во општинскиот центар за социјална помош подметнал пожар во кој загина една службеничка, а четири луѓе се хоспитализирани.
Имено, 62-годишниот маж го полил ходникот на првиот спрат во Центарот за социјална помош во Маково близу Варшава со запаллива течност и предизвикал пожар.
Една од повредените е во критична состојба. Полицијата подоцна го приведе човекот кој го подметнал пожарот.
Според неофицијалните податоци на полски медиуми, тој Полјак го запалил Центарот гневен поради тоа што останал без социјална помош, а не е исклучено дека со запалливата течност ги полил и службеничките во центарот.