Бразилската Влада објави денеска дека ќе распореди жандармерија во градовите во кои избувнаа протести против лошите јавни услуги, високите цени и против корупцијата.
Делови на Националните сили за јавна безбедност се испратени во Бразилија, Рио де Жанеиро, Форталеза, Салвадор де Баиа и Бело Оризонти. Тие градови ќе бидат домаќини на СП во фудбал идната година.
Портпарол на Министерството за правда изјави дека распоредувањето на силите е дел од подготовките за Мундијалот, и не е поврзано со протестите какви што немало со децении.
Околу 50.000 луѓе учествуваа во демонстрации во Сао Паоло вчера, неколку илјади протестираа во Сао Гонсало близу Рио и во Бело Оризонте.
Демонстрации минатата недела во Сао Паоло против поскапувањето на транспортот предизвика судири. Се демонстрира против огромните владини расходи за организацијата на СП наместо за здравство, образование и други општествени услуги.