Директорот на Генералниот директорат на Европската комисија за Блискиот Исток, Северна Африка и Персискиот Залив, Стефано Санино, беше уапсен денес во Белгија како дел од истрагата за наводна финансиска измама поврзана со финансирањето на Колеџот на Европа во Бриж, а уапсена е и директорката на таа високообразовна институција, Федерика Могерини, дознава EurActiv од извори запознаени со истрагата.
Санино, поранешниот генерален секретар на Европската служба за надворешни работи (ЕЕАС) во времето кога беше основан Колеџот, и поранешната висока претставничка на ЕУ за надворешни работи од 2014 до 2019 година, Федерика Могерини, беа меѓу тројцата уапсени за наводна корупција, а според изворите, уапсен е и вработен во Колеџот на Европа од одделот за извршно образование.
Според Канцеларијата на Европскиот јавен обвинител, овие притворања се дел од истрагата за сомнително фаворизирање и нелојална конкуренција.