Емад Абдул-Гафур, лидер на најголемата исламистичка ултраконзервативна партија во Египет, Ан Нур, вчера соопшти дека ќе формира нова политичка партија, отцепувајќи се од неговата досегашна салафистичката групација, што е втората политичка сила во земјата, пренесоа американските медиуми.
Ан Нур на минатогодишните парламентарни избори освои 25 проценти од пратеничките места, но од септември е растресена од внатрешна борба, откако некои од нејзините политички лидери се обидоа да се отргнат од контралата на салафитските духовници.
Абдер-Гафур, кој ја предводи Ан Нур, на митинг на салафисти и претставници на други исламистички партии, сооопшти дека главната парија Ал Ватан (татковина), чии главни принципи ќе бидат шеријатот, социјалната правда и почитувањето на човековото достоинство.
Абдел-Гафур, кој исто така е и претседателски советник, изјави дека повеќе од стотина членови на Ан Нур, меѓу кои и многу поранешни пратеници од вчера распуштениот парламент, ќе се вклучат во работата на новата партија.
Видниот телевизиски ултраконзервативен проповедник Хазем Абу Исмаил, поранешен кандидат за претседател на Египет, кој присуствуваше на митингот, соопшти дека исто така ќе формира нова партија и ќе учествува на парламентарните избори во коалиција со партијата на Абдел-Гафур.