Во Санкт Петербург започна дводневнот самит на ЕУ и Русија. Шефот на најголемата држава на светот Владимир Путин и министерот за надворешни работи Сергеј Лавров се домаќини на европската делегација.
Целта на средбата е јакнење на партнерските односи помеѓу ЕУ и Руската Федерација, една од главните теми ќе биде и состојбата на меѓународен план, поточно ке се дискутира за насилствата во Сирија, сотојбата на Блискиот Исток и за иранската нуклеарна програма.
Најдобар темел за натамошна соработка можат да бидат новите билатерални договори во областа на економијата, финансиите и мобилноста на граѓаните.
Путин ќе оствари средба со претседателот на Советот на ЕУ Херман Ван Ромпеј, претседателот на Европската комисија Жозе Мануел Барозо и со шефицата на дипломатијата на ЕУ Кетрин Ештон. Русија е трет најважен економски партнер на ЕУ, после САД и Кина.