Почна историската средба на Трамп, Си Џинпинг и Путин во Кина

Од:

Американскиот претседател Доналд Трамп, кинескиот претседател Си Џинпинг и рускиот претседател Владимир Путин ја започнаа трилатералната средба во кинескиот град Шенжен, на маргините на самитот на Азиско-пацифичката економска соработка (АПЕК). Средбата на тројцата светски лидери привлече толкаво внимание што го засени и самиот самит, објави „Скај њуз“ (Sky News).

Според претходните најави, една од главните теми на разговорите ќе биде ограничувањето на ширењето на нуклеарното оружје. Трамп, по одделните средби со Си Џинпинг и Путин, навести дека лидерите би можеле да разговараат и за војната во Украина, конфликтот со Иран, како и за повторното воспоставување на протокот на енергенси низ Ормускиот Теснец.

Средбата предизвикува внимание и поради можните пошироки геополитички последици. Критичарите стравуваат дека ваквиот формат би можел да означи враќање на дипломатијата на големите сили, каква што беше карактеристична за периодот по завршувањето на Втората светска војна.

Тогаш најмоќните држави носеа одлуки што директно влијаеја врз судбината на помалите земји, чии интереси и позиции често остануваа во втор план.

Би можело да ве интересира

Путин тргна на трилатерална средба со Трамп и Си Џинпинг

Некогаш мало гратче, денес – кинеската Силиконска долина: Зошто самитот се одржува во Шенжен?

Горан Наумовски

Москва: Украина беше главна тема на разговор меѓу Трамп и Путин

Горан Наумовски

(ВИДЕО) Дали Трамп задрема за време на обраќањето на Си на самитот на АПЕК?

Австралискиот премиер директно до Путин: Завршете ја војната, веднаш

Трамп го пофали односот со Си: Некои не се задоволни од тоа, но јас сум