Бангладешкиот претседател Зилур Рахман почина денеска на 84-годишна возраст во една сингапуршка болница, соопшти претставник на Амбасадата на Бангладеш во Сингапур.
Рахман, кој имаше проблеми со дишењето и заболени бубрези, на 10 март со специјален авион беше префрлен од Дака во болница во Сингапур поради значително влошување на здравствената состојба.
Зилур Рахман стана 19-ти претседател на Бангладеш во 2009 година. Тој имаше еден син, кој е актуелен пратеник во Парламентот на Бангладеш, и две ќерки.