Портпаролот на Кремљ, Дмитриј Песков, изјави дека се надева оти посетата на лидерите на Франција, Германија и Италија на Киев „нема да биде фокусирана исклучиво на испорака на оружје за Украина“.
„Би сакал да се надевам дека лидерите на овие три земји – и претседателот на Романија – нема да се фокусираат само на поддршката на Украина со дополнително надувување на Украина со оружје“, рече Песков.
Тоа би било „апсолутно бескорисно и би предизвикало дополнителна штета на земјата“.
Песков предлага Емануел Макрон, Олаф Шолц и Марио Драги да го искористат своето време со украинскиот претседател Володимир Зеленски за „реално да ја разгледаат состојбата на работите“.