Портпаролот на Кремљ Дмитриј Песков денеска изјави дека руските специјални служби ги преземаат сите неопходни мерки за да се осигура безбедноста на лицата кои се под државна заштита, вклучувајќи го и рускиот претседател Владимир Путин.
„Руските специјални служби постојано ги преземаат сите неопходни мерки за да обезбедат јавна безбедност и, се разбира, безбедноста на оние кои се под државна заштита, особено на шефот на државата“, рече Песков, одговарајќи на тврдењата на новинарот Такер Карлсон дека американското раководство наводно планира обид за атентат врз рускиот претседател, јави ТАСС.
Карлсон претходно тврдеше дека администрацијата на поранешниот американски претседател Џозеф Бајден наводно била вмешана во планирањето на убиството на Путин, што еден американски новинар го опиша како „луд“.