Портпаролот на Кремљ, Дмитриј Песков, денеска изјави дека против Русија се води војна на сите фронтови и дека земјата мора да ја зачува трезвеноста.
– Против Руската Федерација се води војна на сите фронтови, Москва мора да ја задржи присебноста и силата, да го прави она што одговара на нејзините интереси и отворено да изрази загриженост за она што е неприфатливо, изјави прес-секретарот на претседателот на Руската Федерација Дмитриј Песков.
– Во поширока смисла, се води војна, се води војна против нас на сите фронтови: без разлика дали се работи за економија, меѓудржавни односи, имотни односи… рече тој.
„Не смееме да им се предадеме на емоциите. Мораме да продолжиме да размислуваме трезвено“, рече Песков.
Прес-секретарот на претседателот на Русија, ги коментираше и зборовите на американскиот републикански сенатор Линдзи Греам за „смртта на Русите“.
На средбата со Владимир Зеленски, Греам рече дека „Русите умираат“, а САД „никогаш не трошеле толку добро пари“.
„Тешко е да се замисли поголем срам за земјата отколку да има такви сенатори“, рече Песков на каналот Телеграм Шот.