Портпаролот на Кремљ, Дмитриј Песков денеска изјави дека понудата на Полска своите борбени авиони МиГ-29 да ги распореди во воената база на НАТО, Рамштајн и да ги стави на располагање на САД е потенцијално опасно сценарио.
Ова е крајно непожелно и потенцијално опасно сценарио, наведе Песков.
Тој додаде дека САД почнале економска војна против Москва, алудирајќи на санкциите воведени поради инвазијата врз Украина.
САД и објавија економска војна на Русија и тие де факто ја водат оваа војна, посочи Песков, додавајќи оти руската Влада се обидува да воведе мерки за ограничување на економските последици од санкциите.
Извор: МИА