Русија не сака да види инвазија, блокада или каков било друг притисок врз Куба, изјави денес портпаролот на Кремљ, Дмитриј Песков.
– Куба е долгогодишен партнер на Русија, наш добар пријател и не би сакале да видиме која било земја да ја нападне Куба, да изврши притисок врз Куба или да ја затвори од надворешниот свет, рече Песков, како што објави новинската агенција Интерфакс.
Тој додаде дека не може да коментира за геополитичките цели на Соединетите Американски Држави во светот, истакнувајќи дека тоа се прашања за американскиот претседател Доналд Трамп.