Помошник-министерот за одбрана на САД Френк Кендал, кој е одговорен за испораките на оружје и воена техника за вооружените сили, наложи почнување преговори со снабдувачи на оружје, како резултат на очекуваното скратување на воените трошоци за 46 милијарди долари од 1 март.
– Индустријата треба да биде информирана за нашите планови и да учествува максимално во донесувањето одлуки, особено кога станува збор за договори кои се во сила или се очекува да бидат склучени, истакна Кендал.
Разговори за евентуално скратување на одделените средства ќе се водат и со научни институти и универзитети, кои работат на проекти нарачани од Пентагон.