Пентагон му се заканува на Египет дека ќе ја прекине помошта доколку не го прифати планот на Трамп за Газа

Од:

Соединетите Држави се обидуваат да извршат притисок врз Каиро да ја прифати визијата на претседателот Доналд Трамп за повоениот Појас Газа и преселувањето на Палестинците во Египет, пишува Ал Араби Ал-Џадид.

Повикувајќи се на египетски извори во Вашингтон, лондонскиот медиум објави дека Пентагон неодамна ги предупредил египетските воени претставници дека може да започне да ја ограничува воената помош доколку Каиро не се придржува и не го прифати планот на Трамп.

Поточно, изворите велат дека залихите потребни за рутинско одржување и резервните делови за оружје може да бидат на удар.

На 25 јануари, Трамп прво предложи Египет и Јордан да ги примат Палестинците од Газа. Во деновите што следеа, тој предложи американско преземање на Газа и потенцијално трајно раселување на Палестинците од енклавата без право на враќање.

Тој продолжи да инсистира на тоа дека и Јордан и Египет ќе се согласат, иако египетското Министерство за надворешни работи на почетокот на неделава соопшти дека планира да претстави алтернативна визија за обнова на Газа што ќе гарантира дека Палестинците ќе останат на нивната земја.

Би можело да ве интересира

Израел: Во Појасот Газа нема глад, ова е лажна кампања промовирана од Хамас

Девет Палестинци починаа од глад во последните 24 часа

Горан Наумовски

(ВИДЕО) Денеска најмалку 25 лица загинаа во Газа чекајќи храна

Трамп сака да го понижи Макрон: Изјавата дека ќе ја признае Палестина нема тежина

ЕУ става крај на политичкото рекламирање на Фејсбук и Инстаграм, новите правила на сила од октомври

Предраг Петровиќ

ВИДЕО: Египќаните фрлаат шишиња со храна во морето за да стигне до Газа

Предраг Петровиќ