Околу 200 американски падобранци ќе учествуваат во меѓународните воени вежби во западниот дел на Украина од 13 до 26 септември, соопшти Пентагон.
– Станува збор за падобранци од 173-тата воздушно-десантна американска бригада, стационирана во Италија, изјави половник Стивен Ворен, портпарол на Пентагон, додавајќи дека американските сили ќе учествуваат и во друга воена вежба идната недела во Црното Море заедно со украински војници.
Во воената вежба ќе учествуваат 1.300 војници од 15 држави.
Меѓу нив се Украина, Азербејџан, Бугарија, Канада, Грузија, Германија, Романија, Велика Британија, Латвија, Литванија, Молдавија, Норвешка, Полска, Шпанија и САД. Воената вежба ќе се одржи во Јаворов, на околу 60 километри од Лавов во Западна Украина.