Франција денеска соопшти дека е подготвена да го одблокира поглавието за регионална политика во рамките на преговорите за членство на Турција во Европска унија, кои почнаа уште во 2005 година.
Одлуката укажува на подобрување на односите меѓу двете земји откако во Франција минатата година стапи на должност новиот претседател Франсоа Оланд, јавија западните медиуми.
Турција од 2005 година има затворено само едно од 35 поглавие, а Франција стави вето на вкупно пет поглавија.
Оланд директно не ја поддржа кандидатурата на Турција за членство во ЕУ, но истакна дека земјата треба да се оценува врз основа на политичките и економските критериуми. Претходниот француски претседател Никола Саркози сметаше дека Турција не е дел од Европа.