Француското Mинистерство за земјоделие одлучи да ги објавува резултатите од санитарните инспекции кои ги врши во рестораните. Со првиот тест беа опфатени 1500 ресторани во Париз и 200 во Авињон, и првата костатација е алармантна – само 34 отсто имаат задоволувачко ниво на хигиена, пренесува дописникот на МИА од Париз.
Контролата е извршена меѓу јули и декември 2015 година, а резултатите кои се објавени беа анализирани од националното Здружение на потрошувачи.
Првата костатација од испекциите е дека има јасен дефицит од хигиена во париските ресторани, каде само 34% имаат „добро“ ниво на хигиена, 58% „прифатливо“ и 8% „да го подобрат“. Во споредба со Авињон, таму 64% од контролираните ресторани имаат подобра оценка.
Здружението на потрошувачи од своја страна, смета дека целта на Министерството не е исполнета, бидејќи многу малку од контолираните ресторани, само 4% од нив во Парз ги истакнале добиените оценки, додека во Авињон нивниот број е 29%.
Годишно со инспекции се контролираат околу 80.000 различни места каде се подготвува или чува храна, а од јули оваа година резултатите од контролите ќе треба да бидат јавни.
Санитарните власти тврдат дека во Франција рестораните со 39% се првиот извор на труење со храна, додека домашната кујна е извор на 28% од труењата.