Папата Франциск на велигденското бдеење ја осуди суровоста на војната во Украина

Од:

Папата Франциск на велигденската миса на која присуствуваше, но не ја предводеше, веројатно поради болки во нозете кои ги намалија неговите активности, ја осуди „бруталноста на војната во Украина“.

На мисата присуствуваше Иван Федоров, градоначалникот на Мелитопол, кој беше уапсен од руските сили минатиот месец, а подоцна ослободен во размена на затвореници.

Италијанскиот кардинал Џовани Батиста Ре го замени Папата за време на богослужбата, во чии рамки се одржа поворка во централниот кораб на базиликата „Свети Петар“ во речиси целосен мрак.

Папата седеше под главниот цибориум на базиликата, но стоеше додека се читаше евангелието.

Како што пренесуваат агенциите, Светиот Отец го измени претходно подготвениот текст за да укаже на присуството на Федоров, неговото семејство и тројца украински парламентарци кои седеа во првиот ред. Тој зборуваше за „мракот на војната и суровоста“.

„Сите се молиме за вас и со вас. Се молиме затоа што има толку многу страдања. Можеме само да ви го дадеме нашето друштво, нашите молитви и да ви кажеме: „бидете храбри, ние сме со вас“, рече папата Франциск.

Тој заврши со зборовите „Христос воскресна“ на украински.

Денеска на Велигден, најважниот ден во христијанскиот литургиски календар, по двегодишна пауза поради пандемијата, Папата треба да служи миса на плоштадот „Свети Петар“, а потоа да ја пренесе својата порака и благослов.

Извор: МИА

Би можело да ве интересира

Убиен проруски началник, украински дипломат објави фотографија од телото: „Елиминиран еден од предавниците“

Ана Ололовска

Британско разузнавање: Украинците заробиле руски пилот платеник откако бил соборен авионот

Ана Ололовска

Зеленски: Украина не е тампон зона меѓу Западот и Русија, таа во иднина ќе биде членка на ЕУ

Ана Ололовска

(ВИДЕО) Хајдај: Бранителите мора да се повлечат од Северодоњецк

Ана Ололовска

Украина: Американските ракетни системи „ХИМАРС“ пристигнаа во земјата

А1он

УНЕСКО: Повеќе од 150 објекти од културата во Украина делумно или целосно уништени

Катерина Павлова-Николовска