Палестинец отворил оган врз израелски војници близу до Рамала на Западниот брег, кој е окупиран од Израел, и ранил тројца од нив, пред да биде убиен, пренесува БТА.
Според израелската армија, вооружен маж отворил оган врз група војници и ранил тројца од нив. Во одговор на тоа, останатите војници го застрелале напаѓачот. Еден од ранетите е во критична состојба.
Палестинското Министерство за здравство ја потврди смртта на напаѓачот, а палестинсите сили за безбедност соопштија дека станува збор за Мохмад Туркман (25), полициски службеник во Рамала.
Како што јави ДПА, нападот бил извршен на контролниот пункт покрај Рамала.