Еден Палестинец е убиен денеска за време на судири на група палестински демонстранти со израелски војници во градот Витлеем во северниот дел на Западниот Брег.
Како што јави ДПА, 27-годишниот жител на палестинскиот бегалски камп Дејшех, бил застрелан во пределот на градите, по што е пренесен во болницата во Бејт Јала, каде им подлегнал на здобиените повреди.
Судирите меѓу демонстраните и израелските војници започнале во близина на Гробницата на Рахела во Витлеем. При судирите Палестинците мавале со камења кон војниците, кои возвратиле со солзваец и гумени куршуми, но и со боева муниција.