Осигурителите го зголемија просторот на ризични области во Црното и Азовското Море

Од:

Лондонскиот поморски осигурителен пазар го прошири просторот со висок ризик во Црното и Азовското Море поради интензивирањето на руската инвазија на Украина, која ја загрозува поморската трговија.

Областа со висок ризик, според инструкцијата од 7 март, е проширена до територијалните води на Романија и Грузија, објави денеска Заедничкиот воен комитет (JWC) на осигурителниот сектор.

Во средината на февруари, руските и украинските води во Црното и Азовското Море беа додадени на листата на ризични области. Од 24 февруари, проектили погодија најмалку пет комерцијални бродови, вклучително и еден брод што потона и друг што уби морнар.

JWC, исто така во упатствата посочува на три погодени бродови во близина на украинското пристаниште Одеса, додавајќи дека ситуацијата е „динамична“ и внимателно се следи.

Новите области со висок ризик вклучуваат делови од копнените води и отворените мориња, што ја нагласува зголемената опасност за комерцијалнитебродови.

– На осигурителниот пазар очигледно стануваат се понервозни кога станува збор за тој регион, особено за Црното Море, вели Маркус Бејкер, шеф на одделот за поморска трговија во Марш.

Премиите за патничко осигурување во регионот се зголемија по руската инвазија на 24 февруари и почетокот на руската инвазија на Украина, која Москва ја нарекува „специјална операција“.

Многу бродски компании ја прекинаа пловидбата во пристаништата во регионот, а поморската агенција на Обединетите нации ќе свика итна седница оваа недела за да разговара за влошената ситуација.

Извор: МИА

Би можело да ве интересира

Иран воведе нови санкции против ЕУ и Велика Британија

Ана Ололовска

Лами: Не сакаме назад во ЕУ, но повторно ќе се поврземе

Ана Ололовска

Британскиот Врховен суд ја отфрли тужбата на Ујгурите против британската Влада

А1он

Маж и жена од Британија ги изгладнувале децата и ги туширале со врела вода

Ана Ололовска

Илјадници медицински сестри повторно штрајкуваат во Велика Британија

Ана Ололовска

Албарес: Шпанија е блиску до договор со Велика Британија за Гибралтар

Ана Ололовска