Унгарскиот премиер Виктор Орбан ги критикуваше „воените подготовки на Брисел“ и рече дека Европа сега е „водена од германската воена тројка“, осврнувајќи се на германскиот канцелар Фридрих Мерц, претседателката на Европската комисија Урсула фон дер Лајен и лидерот на Европската народна партија (ЕПП) Манфред Вебер, објавија унгарските медиуми.
Зборувајќи на настан на партијата Фидес во главниот град Будимпешта, Орбан ги обвини германските лидери дека се „најголеми поттикнувачи на војна“, објави Index.hu.
„Европа сега е водена од германската воена тројка: претседателката на Европската комисија Урсула фон дер Лајен е Германка. Германскиот канцелар Фридрих Мерц, очигледно. И лидерот на најголемата фракција во Европскиот парламент, лидерот на Европската народна партија (ЕПП) Манфред Вебер, исто така е Германец“, рече унгарскиот премиер.