Постигнат е договор за излез од кризата во Јемен, каде се бореа шиитски бунтовници и сунитски борци поддржани од армијата, изјави претставникот на ОН Џамал Беномар, но не прецизира дали страните се договориле за прекин на огнот.
– По интензивни консултации со сите политички страни, вклучувајќи ја и групата „Ансар Алах“ (вооружената гранка на шиитските бунтовници „Хути“), постигнат е договор за решавање на актуелната криза во Јемен, рече Беномар во коминике.
– Овој договор ќе биде национален документ кој ќе отвори пат за мирна промена и ќе ги постави темелите за национално партнерство, за безбедност и стабилност, додаде претставникот.