Економските загуби поради природни катастрофи како што се земјотреси, поплави, суши и циклони, достигнаа годишна вредност од меѓу 250 и 300 милијарди долари, се наведува во извештајот на ОН.
Извештајот на Канцеларијата на ОН за намалување на ризикот од непогоди проценува дека годишно инвестирање од шест милијарди долари со цел за намалување на ризикот ќе заштеди на светско ниво загуби од 360 милијради долари во текот на следните 15 години.
Специјалната претставничка на ОН за намалување на ризикот од катастрофи Маргарет Валстром, истакна дека извештајот претставува повик за будење на земјите и зголемување на инвестициите во решенија што ќе ја зголемат отпорноста на природни непогоди.
Валстром нагласи дека тоа ќе биде главна тема на Третата светска Конференција на ОН за намалување на ризикот од катастрофи што ќе се одржи во Јапонија од 14 до 18 март.